بوقت_امتحاں محشر میں جب مے_خوار آئیں_گے

بوقت امتحاں محشر میں جب مے خوار آئیں گے

سند بخشش کی لے کر خود میرے سرکار آئیں گے

ہمارے مدرسے میں جو پڑھاتے ہیں دکھاتے ہیں

اگر خواہش ہے تو خود طالب دیدار آئیں گے

اگر معلوم ہو جائے کہ کتنے سرپھرے ہیں ہم

رشتے قبر میں دو کی بجائے چار آئیں گے

سکون دل کی خواہش ہے تو مے خانے میں آ بیٹھو

اسی بیٹھک میں بخشش کے نظر آثار آئیں گے

اگر ہے ظرف تو راہ محبت میں قدم رکھنا

کئی اک مرحلے اس راہ میں دشوار آئیں گے

تصوف کا یہ مے خانہ شفا خانہ بنا رضواںؔ

دوا جس کی نہیں ایسے یہاں بیمار آئیں گے