ساتھ خواجہ بھی ہیں غوثِ اعظم بھی ہیں

اے دل مضطرب غم نہ کر، صبر کر

ساتھ خواجہ بھی، میں غوثِ اعظم بھی ہیں

رات کا وقت ہے راستہ پر خطر

ساتھ خواجہ بھی ہیں غوثِ اعظم بھی ہیں

بندگی کے لیے ایسی نسبت ملی

جاس کی ہر اک کڑی عرش سے جا ملی

کتنے خوش بخت ہیں نسبتی راہبر

ساتھ خواجہ بھی ہیں غوثِ اعظم بھی ہیں

ہم پہ اللہ محمد کا احسان ہے

اپنی نسبت ہی بخشش کا سامان ہے

مسکراتے گذرائے میرے ہمسفر

ساتھ خواجہ بھی ہیں غوثِ اعظم بھی ہیں

سر پہ رب العلیٰ، قلب میں مصطفیٰ

آگے پیچھے ہمارے ہیں کل اؤلیا

کیوں نہ ہو اب زباں پر یہ شام و سحر

ساتھ خواجہ بھی ہیں غوث اعظم بھی ہیں

خوش نصیبی ہماری ذرا دیکھیے

کلمۂ طیبہ کی ضیا دیکھیے

بزم والو کرو شکر آٹھو پہر

ساتھ خواجہ بھی ہیں غوثِ اعظم بھی ہیں

اہلِ نسبت جو ہیں سب کا ایمان ہے

غوث و خواجہ کا ہم پہ احسان ہے

کیوں کہ دل مطمئن پرسکوں ہے نظر

ساتھ خواجہ بھی ہیں غوثِ اعظم بھی ہیں

صرف اتنی ہے رضواںؔ حقیقت میری

ناز کرتی ہے نسبت پہ قسمت میری

خادمِ غوث و خواجہ ہوں کا ہے کا ڈر

ساتھ خواجہ بھی ہیں غوثِ اعظم بھی ہیں