بڑے محترم ہیں نبیٔ_مکرم

بہزاد لکھنوی

بڑے محترم ہیں نبیٔ مکرم

سراپا کرم ہیں نبیٔ مکرم

چلو ان کے کوچہ میں دے لیں صدائیں

کہ عالی حشم ہیں نبیٔ مکرم

غموں کا بھلا کام کیا ان کے آگے

مداوائے غم ہیں نبیٔ مکرم

کرم کیجیے دل میں محشر بپا ہے

اور آنکھیں بھی نم ہیں نبیٔ مکرم

دکھا دیجئے اپنا روضہ خدا را

تمنائی ہم ہیں نبیٔ مکرم

ہماری دعاؤں کا بہزادؔ مرکز

خدا کی قسم ہیں نبیٔ مکرم

مأخذ :

Click on the INTERESTING button to view additional information associated with this sher.

Don’t remind me again

OKAY

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

This ghazal contains ashaar not published in the public domain. These are marked by a red line on the left.

Don’t remind me again

OKAY