درِ خیرالوریٰ ہے اور میں ہوں
درِ خیرالوریٰ ہے اور میں ہوں
میرے غم کی دوا ہے اور میں ہوں
مرادوں کو ملی ہے منزلِ شوق
دعاؤں کا صلہ ہے اور میں ہوں
میرے ارمان مچلے جا رہے ہیں
درِ حاجت روا ہے اور میں ہوں
خوشا قسمت کہ محراب النبی میں
کسی کا نقشِ پا ہے اور میں ہوں
بھرا ہے جس نے دامانِ دو عالم
وہی دستِ سخا ہے اور میں ہوں
درِ اقدس کے آگے دل ہے لرزاں
کہ ان کا سامنا ہے اور میں ہوں
ہوا ہوں بابِ رحمت سے جو داخل
عطاؤں پہ عطا ہے اور میں ہوں
دکھا بہزادؔ کو ہر سال بطحا
یہی پیہم دعا ہے اور میں ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
