ہے تو ہی نہاں ہے تو ہی عیاں تری شان جل جلالہ

ہے تو ہی نہاں ہے تو ہی عیاں تری شان جل جلالہ

تو کہاں نہیں، نہیں تو کہاں تری شان جل جلالہ

ترے نور ہی کا ظہور ہیں، یہ جو جن و انس و طیور ہیں

یہ شجر حجر، یہ زمیں زماں، تری شان جل جلالہ

تو ہی ڈوبتوں کا سہارا ہے، تو ہی بحرِ غم کا کنارا ہے

تو ہی بیکسوں کا ہے پاسباں، تری شان جل جلالہ

تری فکر مذہب صادقاں، تری یاد جو ہر عاشقاں

ترا ذکر مسلکِ عارفاں، تری شان جل جلالہ

یہی رنگ دیکھ کے دنگ ہے، جسے کچھ شعور ہی ڈھنگ ہے

تو ہی راز ہے، تو ہی رازداں، تری شان جل جلالہ