حق تعالیٰ نے پھر اپنا مدعا پیدا کیا

حق تعالیٰ نے پھر اپنا مدعا پیدا کیا

یعنی نور حضرت شاہ ہدا پیدا کیا

ہو گئی اک لفظ کن دونوں عالم کی نمود

یعنی سب کچھ ابتدا تا انتہا پیدا کیا

بعد اس کے چار عنصر آب و آتش خاک و باد

ان کے مجموعۂ داکِ حق آشنا پیدا کیا

اس کی پیشانی میں رکھا نورِ ختم المرسلین

اور اس کی نسل سے اک سلسلہ پیدا کیا

منتقل ہوتا رہا یہ نور جس جس ذات میں

اس نے اس اس ذات کو معجز نما پیدا کیا

بعد عیسیٰ بعد موسیٰ پشت عبداللہ سے

حق تعالیٰ نے مراد دوسرا پیدا کیا

یعنی اس دنیا میں آئے رحمۃ للعالمین

یعنی حق نے ہم سبھوں کا رہنما پیدا کیا

بہر تعظیم آئی اس کے خود بہار بوستاں

بلبلوں نے مرحبا کا غلغلہ پیدا کیا