مرضئ حق کو ہوا مقصود یہ اک بارگی

مرضئ حق کو ہوا مقصود یہ اک بارگی

جس پہ ہم شیدا ہوں اک ایسا حسیں پیدا کریں

نور سے زائد منور ہو وہ ذات با صفا

چاند سے زائد حسیں اک مہ جبیں پیدا کریں

ناز کو بھی ناز ہو جس نازنیں کے رنگ پر

ناز پرور نازوش وہ نازنیں پیدا کریں

صد گلستاں در کز رو صد بہاراں در چمن

اس کی خاطر ایک فردوس بریں پیدا کریں

اس کے ہر غنچہ کو دے دیں عود و عنبر کی شمیم

اس کے ہر پتے کو رشک یاسمیں پیدا کریں

اس کو دیں کل عظمتیں کل برکتیں کل رفعتیں

صاحبِ لوح و قلم کرسی نشیں پیدا کریں

تخت میں اس کے ہوں کل حور و ملک جن و بشر

مالکِ طبل و علم تاج و نگیں پیدا کریں