مدینے کو بلالے کملی والے

مدینے کو بلالے کملی والے

مصیبت سے چھڑا لے کملی والے

بھلا مشکل اسے پھر کیوں ستائے

جو تیرا آسرا لے کملی والے

بہکتے جا رہے ہیں ہم مسلماں

ہمیں اپنا بنالے کملی والے

تری امت کو کشتی ہے بھنور میں

اب اس کو تو بچالے کملی والے

مسلمانوں کا عالم اب ہے ابتر

ہیں جینے کے بھی لالے کملی والے

برے ہیں یا بھلے ہیں ہیں تو تیرے

کرم کر اور بچا لے کملی والے

دل بہزادؔ ہے بیتاب یثرب

اسے للہ بلا لے کملی والے