بندۂ عشقیم روئے ما بود سوئے علی

ہم عشق کے بندے ہیں ہمارا رخ حضرت علی کی طرف ہے، علی کی محرابِ ابرو ہماری سجدہ گاہ ہے۔

اے رضوان ہمیں جنت کی طرف کیا کھینچتا ہے، کیا تو نہیں جانتا کہ ہم سب کوچۂ علی کے رہنے والے ہیں۔

میں حضرت علی کے دامن پر پیراہن یوسف نثار کرتا ہوں، میں خوشبوئے حضرت یوسف کو لے کے کیا کروں مجھے خوشبوئے علی چاہیے۔

آتش دوزخ میرے ایک بال کو بھی جلا نہیں سکتی کیوں کہ گیسوئے علی سے میری جان کا رشتہ ہے۔

جس طرح حضرت رسول خدا کے بعد آپ پر سلام اور درود فرض ہے، اسی طرح آپ کے روئے منور کی محبت بھی مسلمانوں پر فرض ہے۔

اپنے مرتبہ کی بلندی کے پیش نظر کوچہ حضرت علی کا کتا بھی بڑے بڑے شکار کرنے والے شیروں کو لومڑی سے کمتر سمجھتا ہے۔

خداوندا شربت خضر (آب حیات) پی کے کیا کروں، حضرت علی کی نہر محبت سے ایک قطرۂ آب میرے منہ میں ٹپکا دے۔

جب سے کہ میرے دل پر بیتِ ابروئے علی نقش ہو گئی ہے، مد بسم اللہ کا سرِّ خفی مجھ پر پوری طرح منکشف ہو گیا ہے۔

میں حضرت علی مرتضیٰ کا غلام ہوں دشمن سے نہیں ڈرتا (کیونکہ) میرے دشمن کو تیغ ابروئے علی ٹکڑے ٹکڑے کر دے گی۔

باقرؔ جہاں گردی سے میرے پاؤں ناحق گھِس گیے، اب تو میرا ہاتھ ہے اور دامنِ کوئے علی ہے (جس سے مراد) کوئے علی میں جم کر بیٹھ جانا ہے۔