gunahgaaraan-e-ummat jab ba-ruu-e-kiriyaa aa.e

gunahgaaraan-e-ummat jab ba-ruu-e-kiriyaa aa.e

shafaa'at ke liye tab shaafe-e-roz-e-jazaa aa.e

na ko.ii rahnumaa aa.e na ko.ii peshvaa aa.e

hame.n jab baKHshavaane ko mohammad mustafaa aa.e

farishto.n ne kahaa haT jaa.o mahbuub-e-KHudaa aa.e

kiyaa bartaav kaisaa faatima zahraa kii jaanii se

ki tar karne na paa.e halaq-e-asGar shaah paanii se

bahut pahu.nchii aziyyat shah ko akbar kii javaanii se

chalaa jab tishna-e-diidaar ko.ii daar-e-faanii se

bujhaane pyaas kii shiddat shahiid-e-karbalaa aa.e

to de 'baaqar' ke dil me.n bhii mohabbat kamlii vaale kii

dikhaa de yaa KHudaa shaan-e-risaalat kamlii vaale kii

mujhe darkaar hai itnii 'inaayat kamlii vaale kii

samaa jaaye marii aa.nkho.n me.n suurat kamlii vaale kii

mire har saa.ns se bas yaa mohammad kii sadaa aa.e

gunahgaaraan-e-ummat jab ba-ruu-e-kiriyaa aa.e

shafaa'at ke liye tab shaafe-e-roz-e-jazaa aa.e

na ko.ii rahnumaa aa.e na ko.ii peshvaa aa.e

hame.n jab baKHshavaane ko mohammad mustafaa aa.e

farishto.n ne kahaa haT jaa.o mahbuub-e-KHudaa aa.e

kiyaa bartaav kaisaa faatima zahraa kii jaanii se

ki tar karne na paa.e halaq-e-asGar shaah paanii se

bahut pahu.nchii aziyyat shah ko akbar kii javaanii se

chalaa jab tishna-e-diidaar ko.ii daar-e-faanii se

bujhaane pyaas kii shiddat shahiid-e-karbalaa aa.e

to de 'baaqar' ke dil me.n bhii mohabbat kamlii vaale kii

dikhaa de yaa KHudaa shaan-e-risaalat kamlii vaale kii

mujhe darkaar hai itnii 'inaayat kamlii vaale kii

samaa jaaye marii aa.nkho.n me.n suurat kamlii vaale kii

mire har saa.ns se bas yaa mohammad kii sadaa aa.e