لَب پہ شام و سحر مدینہ ہے
لَب پہ شام و سحر مدینہ ہے
حسرتِ چشمِ تر مدینہ ہے
میرا سوزِ جگر مدینہ ہے
آرزوئے نظر مدینہ ہے
جذبۂ دل کی رہنمائی میں
میں جا رہا ہوں جدھر مدینہ ہے
جا رہا ہوں تلاشِ منزل میں
انتہائی سفر مدینہ ہے
میری جتنی بھی ہیں تمنائیں
ان کا مرکز شہرِ مدینہ ہے
میرے آقا بشیرؔ سے کہہ دو
اب تمہارا بھی گھر مدینہ ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
