رحمتِ عالم ادھر بھی ایک رحمت کی نظر

رحمتِ عالم ادھر بھی ایک رحمت کی نظر

ٹھنڈے ہو جائیں مرے دل میں جو ہیں غم کے شرر

بے قراری ہے نہایت قلب ہے زیر و زبر

ٹوٹی جاتی ہے غموں سے میری ہمت کی کمر

سایۂ رحمت میں مجھ کو دیں قرار، عالم پناہ

آپ سے فریاد ہے اے غمزدوں کے چارہ گر

پیارے آقا اشکِ حسرت کون پوچھے گا میرے

آپ کے بابِ کرم کو چھوڑ کر جاؤں کدھر

خوب جی بھر بھر کے اپنوں نے ستایا ہے مجھے

میری دل آزاریوں میں کچھ نہیں چھوڑی کسر

تیر جو کھائے ہیں دل پر ہو عدم ان کی کسک

اور میرے نالۂ شب میں ہوا اے مولیٰ اثر

اس طرف بھی آپ کا ابرِ کرم جائے برس

ہو میری بھی آرزوؤں کا شجر اب پُر ثمر