وہی دیتے ہیں مجھ کو اور انہیں سے مانگتا ہوں میں
دلچسپ معلومات
منقبت درشان محبوب الہی خواجہ نظام الدین اولیا (دہلی۔بھارت)
وہی دیتے ہیں مجھ کو اور انہیں سے مانگتا ہوں میں
نظام الدین سلطان المشائخ کا گدا ہوں میں
مرے خواجہ جہاں میں آپ ہی کو لاج ہے میری
برا ہوں یا بھلا جیسا ہوں لیکن آپ کا ہوں میں
مری فریاد بھی گنج شکر کا واسطہ سنیے
کہ شاہا تلخیٔ ایام سے گھبرا گیا ہوں میں
ہزاروں حسرتیں لے کر تمہارے در پہ آیا ہوں
زباں خاموش ہے لیکن سراپا مدعا ہوں میں
مری عرض تمنا بھی عجب عرض تمنا ہے
کہ تم کو مانگتا ہوں اور تمہیں سے مانگتا ہوں میں
مرے وارث مرے والی نظام الدین ہیں بیدمؔ
انہیں کا مبتلا ہوں میں انہیں پر مر مٹا ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
