میسر ہو محبت میں اگر بیمار ہو جانا

میسر ہو محبت میں اگر بیمار ہو جانا

تو آساں ہو رسول اللہ کا دیدار ہو جانا

غضب ہے حضرت دل آنکھ کا خونبار ہو جانا

پڑا آخر تمہیں رسوا سر بازار ہو جانا

ادھر مولیٰ نے لب کھولے ادھر بخشے گیے عاصی

شفاعت کے لیے کافی ہوا تیار ہو جانا

مزے سے بادہ کوثر پئے گا وہ قیامت میں

جسے آیا شراب عشق کا میخوار ہو جانا

تصور دل میں آتا ہے کسی کی چٹکیاں لینے

تڑپنے کے لیے بیتابؔ اب تیار ہو جانا