غم_عشق_محمد میں کوئی دیکھے فنا ہو کر

غم عشق محمد میں کوئی دیکھے فنا ہو کر

اجل ہنستی ہوئی آتی ہے پیغام بقا ہو کر

گرے ہیں جو غم امت میں مژگان مطہر سے

وہ آنسو حشر میں برسیں گے رحمت کی گھٹا ہو کر

مدینہ کی زمیں پر لذت سجدہ کوئی دیکھے

کہ فرض اک سجدہ کر دیتا ہے ہر سجدہ ادا ہو کر

ضرورت دیکھ کر یکسوئی کی ذہن مقدس کو

اتر آیا زمیں پر لا مکاں غار حرا ہو کر

حصول تازگی کے واسطے ہر صبح کو بسملؔ

ہوائے خلد آتی ہے مدینے میں صبا ہو کر