جذب و مستی کا جہاں ہے خسرو
دلچسپ معلومات
منقبت در شان حضرت ابوالحسن امیر خسروؔ (دہلی-بھارت)
جذب و مستی کا جہاں ہے خسرو
فخرِ صاحب نظراں ہے خسرو
جس کے دامن سے بندھے ہیں لاکھوں
خسروِ فیض نشاں ہے خسرو
جس نے قوموں کو محبت بخشی
آدمیت کی زباں ہے خسرو
فقر و درویشی و موسیقی میں
قبلۂ اہلِ جہاں ہے خسرو
ہند کی خاک کی عظمت کی قسم
اس کی عظمت کا نشاں ہے خسرو
وہ نہ مُلا ہے نہ زاہد، نہ فقیر
بندۂ پیر مغاں ہے، خسرو
سات صدیوں کے گزرنے پر بھی
مرجع پیر و جواں ہے خسرو
جہل و نفرت کی فضاؤں سے پرے
عشق و الفت کی اذاں ہے خسرو
ہجرِ مرشد میں ہوا جس کا وصال
ہاں وہی سوختہ جاں ہے خسرو
- کتاب : نذر خسرو امیر خسرو (Pg. 84)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
