دل وہی دل ہے جو اللہ کا جلوہ دیکھے

دل وہی دل ہے جو اللہ کا جلوہ دیکھے

آنکھ وہ آنکھ جو قدرت کا تماشا دیکھے

وہ تو ایسا ہے کہ ہر شے میں نظر آتا ہے

چشم باطن سے اگر دیکھنے والا دیکھے

ایک ہی جلوے میں جب ہو گئے بے خود موسیٰ

تاب کس کو ہے جو اس کا رخ زیبا دیکھے

ذرے ذرے سے عیاں جب ہے تجلی تیری

تجھ کو دیکھے یا کوئی تیرا تماشا دیکھے

تاب اتنی تو عطا کر دے خدا مجھ کو

جس طرف آنکھ اٹھائے دل شیدا دیکھے

کور باطن سے یہ کہہ دو کہ مٹا کر ہستی

قطرے قطرے میں نظر آئے گا دریا دیکھے

ہم اسی طرح رضاؔ دیکھ رہے ہیں اس کو

جس طرح پیاس کا مارا کوئی دریا دیکھے