ہو معطر نگاہِ سحر مصطفیٰ

ہو معطر نگاہِ سحر مصطفیٰ

آدمی کو عطا ہو نظر مصطفیٰ

آپ کی بات فرمانِ حق یا نبی

آپ کا ہر عمل معتبر مصطفیٰ

کچھ ہمیں بی بصیرت عطا کیجیے

بے ہنر ہے نگاہِ بشر مصطفیٰ

سبز گنبد ہے آنکھوں میں جب سے مری

ہو گئی ہے نظر معتبر مصطفیٰ

میں مدینے کی راہوں میں چلتا ہوں

طے نہ ہو عمر بھر یہ سفر مصطفیٰ

میری نظروں کو طیبہ دکھا دیجیے

بے اثر ہو رہی ہے نظر مصطفیٰ

ذکر خالق سے معمور قلبِ منیرؔ

اور ہے لب پہ شام و سحر مصطفیٰ