جس طرف بھی اٹھے اب نظر مصطفیٰ

جس طرف بھی اٹھے اب نظر مصطفیٰ

آپ ہی آپ ہوں جلوہ گر مصطفیٰ

آسماں سے مقدس زمیں ہوگئی

فرش سے جب گیے عرش پر مصطفیٰ

جب بھی میں نے وسیلہ لیا آپ کا

ہو گئی ہے دعا با اثر مصطفیٰ

آج بھی آپ کا کوئی ثانی نہیں

آپ ایسے ہیں خیرالابشر مصطفیٰ

ایک تھے آپ ہی نور کے روبرو

کس میں تھی اتنی تابِ نظر مصطفیٰ

میری معراج تو واقعی ہے یہی

آپ کا در ہو پھر میرا سر مصطفیٰ

آپ ملنے گیے جس سے بھی عرش پر

خود تھا وہ آپ کا منتظر مصطفیٰ

یوں تو دنیا میں چاروں طرف ہیں بشر

آپ ہیں ایک فوق البشر مصطفیٰ

جب یہ راہیؔ بنائے گیے دو جہاں

تھے خدا ہی کے پیشِ نظر مصطفیٰ