نہ تو تخت_و_تاج کی جستجو نہ تو مال_و_زر کی تلاش ہے

نہ تو تخت و تاج کی جستجو نہ تو مال و زر کی تلاش ہے

جہاں نقش پائے محمدی اسی رہگزر کی تلاش ہے

میرے شوق کی یہی ابتدا میرے ذوق کی یہی انتہا

جہاں سر جھکا کے جھکا رکھوں اسی سنگ در کی تلاش ہے

میرے دل میں جس کی ہے آرزو میری جاں کو جس سے ملا سکوں

جس کے نام پر دو جہاں فدا اسی چارہ گر کی تلاش ہے

جس کے نام سے دور ہر خطر وہ جو نام جس سے بلا ٹلے

اسی صاحب اقتدار کی شہ معتبر کی تلاش ہے

ہیں نوازشیں بے بہا جہاں وہ جو ناز سہتے ہیں ہر گھڑی

جس کی ہر نظر ہے حیات نواسی مثل بشر کی تلاش ہے

جنہیں خود بنا کے وہ آئینہ ہوا جس میں آپ ہی جلوہ گر

اسی آئینہ میں فنا بقا اسی جلوہ گر کی تلاش ہے

ان کے نام سے خسروؔ حزیں کا ہو قلب زندہ خدا کرے

وہ سحر کہ جب مطمئن ہو دل مجھے اس سحر کی تلاش ہے