یہ فضا یہ چاند یہ کہکشاں تیری ہر ادا پہ نثار ہے

یہ فضا یہ چاند یہ کہکشاں تیری ہر ادا پہ نثار ہے

یہاں ذرہ ذرہ فدا تیرا کہ توئی تجلیٔ یار ہے

سب تجلیاں ہیں صفات کی تو تجلیٔ ذات پاک ہے

سب خدا کے ہیں صنم آشنا تو خدا کا اک ہی نگار ہے

تیری یاد میرا سکون ہے تیری دید میرا جنوں ہے

میری دھڑکنوں میں تڑپ تیر دل مضطر کا قرار ہے

تیری بات بات ہے پھول کی تیرا ساتھ ساتھ ہے پھول کا

تیرا ذکر پھول ہی پھول ہے تیری ہر ادا میں بہار ہے

میں نے سونپ دی میری زندگی تیرے پائے رحمت و ناز میں

تو جفا کرے کہ وفا کرے یہ تیرا ہی اب اختیار ہے

تو یہاں وہاں ہے کہاں نہیں تو نہیں تو دونوں جہاں نہیں

میرے دل میں تو میری جاں میں تو میرے چار سو سرشار ہے

مجھے خوف خسروؔ نہیں رہا کل کو جو بھی ہو سو وہ ہو وہاں

جس کے آل کا میں غلام ہوں وہ ہی احمد مختار ہے