اپنے مولیٰ کے پیارے ہو سیدنا

اپنے مولیٰ کے پیارے ہو سیدنا

مصطفیٰ کے دلارے ہو سیدنا

میں نہیں بلکہ سارا زمانہ کہلائے

تم انوکھے نرالے ہو سیدنا

تجھ پہ قربان یہ جاں آگرہ کے شاہ

جان و دل سے بھی پیارے ہو سیدنا

جس سے مدھم دیئے روشنی پا گئے

ایسے روشن ستارے ہو سیدنا

ہے جھلک تیرے جلوؤں میں حسنین کی

آلِ مطہر کے پالے ہو سیدنا

دور منزل ہے راہیں بھی دشوار ہیں

ایک تم ہی تو سہارے ہو سیدنا

عشق سرکار میں یہ ہی کہتا رہوں

میں نظر تم نظارے ہو سیدنا

کل بروزِ جزا کس کا کہلاوں گا

کہہ دو کہہ دو ہمارے ہو سیدنا

آرزو ہے فقط یہ ہی اعجازؔ کی

کہہ دو مرشد ہمارے ہو سیدنا