تظمینی کلام : باغِ عالم میں ہے قد آپ کا جوں سرو سہی

باغِ عالم میں ہے قد آپ کا جوں سرو سہی

جس کی تعظیم کو طوبیٰ کی بھی ہے شاخ جھکی

قمری دل یہی کہتا ہے بصد شوقِ دلی

مرحبا سیدِ مکی مدنی العربی

دل و جاں باد فدایت چہ عجب خوش لقبی

نسلِ آدم میں ہوا ایک نہ تجھ سا پیدا

جز خدا کوئی نہیں جانتا رتبہ تیرا

نوعِ انساں میں اس شان کا دیکھا نہ سنا

نسبتے نیست بذاتِ تو بنی آدم را

بہتر از آدم و عالم تو چہ عالی نسبی

چشمۂ فیض ہے اے بحرِ سخا تیری ذات

کر دے اے ابر کرم فیض سے اپنے برسات

تابشِ خور سے بچا حشر میں اے بحرِ نجات

ماہمہ تشنہ لبانیم و توئی آبِ حیات

رحم فرما کہ زحد می گزرد تشنہ لبی

آرزو ہے یہی مجھ خستہ کی چوموں میں قدم

جفت بردار غلاموں کے ترے شاہ امم!

ہوں حقیقت میں شہا ترے سگِ در سے بھی کم

نسبتِ خود بہ سگت کردم و بس منفعلم

زاں کہ نسبت بہ سگِ کوئے تو شد بے ادبی

کون ہے تیرے سوا میرا بروزِ محشر

ہے شفاعت کا قیامت میں بھروسا تجھ پر

گو گنہگار ہوں ہر چند پہ لے میری خبر

چشمِ رحمت بکشا سوئے من انداز نظر

اے قریشی لقب و ہاشمی و مطلبی

مجھ سے نا چیز سے کیا ہوں ترے اوصاف رقم

تابِ تحریر نہیں عجز سے جھکتا ہے قلم

پر توِ حسن سے تیرے ہوا روشن عالم

من بیدل بجمالِ تو عجب حیرانم

اللہ اللہ چہ جمال است بدیں بوالعجبی

مثلِ گردوں کوئی عالم کے کرے لاکھوں گشت

مدتوں ڈھونڈتا پھرتا رہے گو دشت بہ دشت

تیرا ثانی نہیں ممکن کہ ملے اے خوش بخت

شبِ معراج عروجِ تو ز افلاک گذشت

بہ مقامے کہ رسیدی نہ رسد ہیچ نبی

جب خدا نے کیا دنیا میں ترا پیدا نور

ہوگیا نامِ خدا نور سے عالم معمور

ہوا بندوں پہ یہ احسانِ خداوندِ غفور

ذات پاک تو چو در ملکِ عرب کرد ظہور

زاں سبب آمدہ قرآن بزبانِ عربی

رونق افزائے چمن خوبیٔ باغِ اسلام

اے سحابِ کرم وجود و سخا نیک انجام

فیض ہے گلشنِ ایجاد میں شاہا ترا عام

نخلِ بستانِ مدینہ ز تو سرسبز مدام

زیں شد شہرٔ آفاق بہ شیریں رطبی

اپنے بیمار فداؔ کی نہ خبر آپ نے لی

ہے تپِ ہجر سے دق اس کا شہا اب تو جی

عرض کرتا ہے یہ خدمت میں مثالِ قدسی

سیدی انت حبیبی و طبیبِ قلبی

آمدہ سوئے تو قدسیؔ پئے درمیاں طلبی