مقدر سرورِ دیں کی توجہ سے بدلتا ہے

مقدر سرورِ دیں کی توجہ سے بدلتا ہے

مدینے تک پہنچ جاؤں، یہی میری تمنا ہے

انہی کے غم میں راحت ہے، انہی کے ذکر میں لذت

جو بیمارِ نبی ہو جائے، وہ اچھوں سے اچھا ہے

توجہ رحمتِ کامل، کرم اے سرورِ عالم

میری دنیا میں کیوں اب تک اندھیرا ہی اندھیرا ہے

منور ہو ہی جاتا ہے وہ انوارِ الٰہی سے

جو دل رو رو کے راتوں کو تمہارا ذکر کرتا ہے

خدا کا قرب ہو تا ہے، تمہارے قرب سے حاصل

خدا کو پالیا اس نے کہ جس نے تم کو دیکھا ہے

فداؔ ہوں آپ پر آقا، مدینے میں بلا لیجیے

وہیں نکلے میرا دم، بس یہی دل میں تمنا ہے