gar nuur mohammad kaa numuudaar na hotaa
gar nuur mohammad kaa numuudaar na hotaa
haqqaa ki KHudaa.ii kaa bhii iz.haar na hotaa
peshaanii-e-aadam me.n jo nuur us kaa na hotaa
masjuud-e-malaa.ik kaa bhii zinhaar na hotaa
kaano.n me.n sadaa haq kii na aatii kabhii hargiz
vo kaan-e-fasaahat jo guhar-baar na hotaa
gar chehra-e-zebaa na dikhaataa vo jahaa.n me.n
tauhiid kaa kasrat me.n bhii iqraar na hotaa
gar shajra-e-aiman se na kahtaa vo anallaaho
ye tuur kabhii matla'-e-anvaar na hotaa
aadam me.n bhii gard us ke jo daaman kii na hotii
insaan kabhii matla'-e-israar na hotaa
gar aal-e-mohammad kii vilaa hotii na dil me.n
'shaakir' pe bhii lutf-e-shah-e-abraar na hotaa
gar nuur mohammad kaa numuudaar na hotaa
haqqaa ki KHudaa.ii kaa bhii iz.haar na hotaa
peshaanii-e-aadam me.n jo nuur us kaa na hotaa
masjuud-e-malaa.ik kaa bhii zinhaar na hotaa
kaano.n me.n sadaa haq kii na aatii kabhii hargiz
vo kaan-e-fasaahat jo guhar-baar na hotaa
gar chehra-e-zebaa na dikhaataa vo jahaa.n me.n
tauhiid kaa kasrat me.n bhii iqraar na hotaa
gar shajra-e-aiman se na kahtaa vo anallaaho
ye tuur kabhii matla'-e-anvaar na hotaa
aadam me.n bhii gard us ke jo daaman kii na hotii
insaan kabhii matla'-e-israar na hotaa
gar aal-e-mohammad kii vilaa hotii na dil me.n
'shaakir' pe bhii lutf-e-shah-e-abraar na hotaa
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
