میری فنا ہے بقا لا الہ الا اللہ
ہے مجھ میں نور خدا لا الہ الا اللہ
میں اس کا آئینہ ہوں وہ ہے آئینہ میرا
یہی ہے راز میرا لا الہ الا اللہ
میں ہی ہوں نورِ محمد جو ہیں رسول اللہ
میں ہوں ظہورِ خدا لا الہ الا اللہ
میں بندہ حق کا ہوں لیکن خدا نما بندہ
خدا ہے بندہ نما لا الہ الا اللہ
خدائی مجھ میں ہے ساری خدائی میں میں ہوں
عجب ہے بھید میرا لا الہ الا اللہ
پڑھایا ہے مجھے اس طرح پیر نے کلمہ
کہ آپ خود میں بنا لا الہ الا اللہ
انا کو پلٹو انا ہی ہے ڈھونڈتے کیا ہو
یہی ہے صاف پتہ لا الہ الا اللہ
تمہیں میں وہ ہے خبر بھی ہے کچھ تمہیں غوثیؔ
وہی ھو ہے انا لا الہ الا اللہ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
