وہ سجا احمد_مختار تھا معراج کی شب

وہ سجا احمد مختار تھا معراج کی شب

پر‌ ضیا کوچہ و بازار تھا معراج کی شب

گلشن دہر میں آئی تھی بہار تازہ

گل ہر اک غیرت گل زار تھا معراج کی شب

ایک آئینہ تھا اک شخص تھا دونوں اک بھی

کچھ وہ مضمون پر اسرار تھا معراج کی شب

ماہ بھی چہرۂ انور کی جھلک سے تھا خجل

نور احمد وہ ضیا بار تھا معراج کی شب

دہن نقطۂ موہوم میں احمد کے خفی

خوب احد شاہد دیدار تھا معراج کی شب

صدقے جبریل تو اللہ تھا غوثیؔ شیدا

وہ سجا احمد مختار تھا معراج کی شب