الٰہی غیب_و_ظاہر تو ہے جلوہ ہے عیاں تیرا

الٰہی غیب و ظاہر تو ہے جلوہ ہے عیاں تیرا

مکاں سے لا مکاں تک ہے نشاں اے بے نشاں تیرا

ہر اک ذرہ کا تو خالق ہر اک ذرہ کا تو مالک

زمین و آسماں تیرے یہ سب کون و مکاں تیرا

ترا انکار بن آیا نہیں کچھ دہریے سے بھی

کہ تو ہی دہر ہے یہ دہر کیا ہے اک نشاں تیرا

اگرچہ عقل سے وہم و گماں سے تو ہے بالاتر

مگر وہم و گماں میں بھی یقیں ہے بے گماں تیرا

تری ہستی کا پرتو ہے جہاں میں جزو سے کل تک

ہماری آنکھ میں آئینہ ہے جہاں تیرا

ثنا الحمدللہ احدیت جب قل ہواللہ ہے

تو غوثیؔ میں ہے کیا جلوہ عیاں تیرا نہاں تیرا