قدر رعنا کی ادا جامۂ زیبا کی پھبن

قدر رعنا کی ادا جامۂ زیبا کی پھبن

سرمگیں آنکھ غضب ناز بھری وہ چتون

وہ عمامہ کی سجاوٹ وہ جبیں روشن

اور وہ مکھڑے کی تجلی وہ بیاض گردن

وہ عبائے عربی اور وہ نیچا دامن

دلربا یا نہ وہ رفتار وہ بے ساختہ پن

مردہ بھی دیکھے تو کر چاک گریبان کفن

اٹھ چلے قبر سے بیتاب زباں پر یہ سخن

مرحبا سید مکی مدنی العربی

دل و جاں باد فدایت چہ عجب خوش لقبی

انبیا دیکھ کے وہ حسن و جمال مدنی

سب کہیں گے کہ عجب شان ہے اللہ غنی

اس کا ہمسر نہ کوئی گل ہے نہ سرد چمنی

ختم اس قامت رعنا پہ ہے گل پیر ہنی

آج عشاق کی بگڑی ہوئی سب بات بنی

آج ہی دے گی مزا ان کو غریب الوطنی

فرش سے عرش تلک ہوگی عجب نعرہ زنی

جب یہ کہتے ہوئے اٹھیں گے اویس قرنی

مرحبا سید مکی مدنی العربی

دل و جاں باد فدایت چہ عجب خوش لقبی