نبی برحق ہو تم اور مالکِ شرعِ مبیں تم ہو

نبی برحق ہو تم اور مالکِ شرعِ مبیں تم ہو

رسالت ختم ہے تم پر کہ ختم المرسلیں تم ہو

تمہارے مرتبہ سے عیسیٰ و مریم کو کیا نسبت

وہ ہیں گردوں نشیں اور مالکِ عرشِ بریں تم ہو

نہ ہو کیوں کر دماغ اہلِ زمیں کا عرشِ اعظم پر

کہ تم فخرِ بنی آدم ہو اور فخرِ زمیں تم ہو

تمہاری شان میں لولاک فرمایا ہے خالق نے

تمہارا ہی مکاں کونین ٹھہرا اور مکیں تم ہو

تمہیں مجبورؔ سب داد سخن کیوں کر نہ دیں دل سے

کہ دل اور جان سے مدحت سرائے شاہِ دیں تم ہو