مؤمنو لازم ہے تم پر الفتِ عالی مقام

مؤمنو لازم ہے تم پر الفتِ عالی مقام

خلد میں گر چاہتے ہو قربتِ عالی مقام

چاہتے ہو عافیت تو ان کا دامن تھام لو

حشر میں ہر اک کو ہوگی حاجتِ عالی مقام

باعثِ نارِ جہنم بغضِ اہلِ بیت ہے

باعثِ خلدِ بریں ہے عزتِ عالی مقام

دعوئِ عشقِ نبی باطل ہے اور بے اصل ہے

جب تلک دل میں نہ ہوگی الفتِ عالی مقام

مٹ گیا نامِ یزیدی صفحہ ہستی سے مگر

رشکِ فردوسِ بریں ہے تربتِ عالی مقام

میں حسینی ہوں مجھے گلزارؔ اس پر ناز ہے

میری بخشش کو ہے کافی نسبتِ عالی مقام