دل ہے مجروح زخمی جگر مصطفیٰ

دل ہے مجروح زخمی جگر مصطفیٰ

ان کا شافی خدا چارہ گر مصطفیٰ

وہ بشر جو ہیں لا ریب خیرالبشر

جسم انسان میں فوق البشر مصطفیٰ

میری دنیا سنور جائے گی دین بھی

’’ڈال دیجے کرم کی نظر مصطفیٰ‘‘

میرے گھر میں تمہارا بیاں صبح و شام

’’ڈال دیجے کرم کی نظر مصطفیٰ‘‘

میرے گھر میں تمہارا بیاں صبح و شام

میرے دل میں تمہارا ہے گھر مصطفیٰ

ہے مواجہہ کو دل دیکھنے مضطرب

یاد کیجیے بارِ دگر مصطفیٰ

چشم رحمت اگر ہو تو آباد ہو

سونا سونا ہے دل کا نگر مصطفیٰ

آپ کو بھیج کر رب نے احساں کیا

ورنہ گراہ تھا ہر بشر مصطفیٰ

آپ کو نور کے ہی ہیں پر تو سبھی

یہ نجوم اور شمس و قمر مصطفیٰ

آپ کے خلق مثل قرآن حکیم

خوب سے خوب تر، خوب تر مصطفیٰ

آپ کا نہ مثیل و نظیر و جواب

ہے مقابل نہ کوئی بشر مصطفیٰ

ہادیؔ میرا یہ ایما و ایقان ہے

ہے خدا ہی ادھر، ہیں جدھر مصطفیٰ