اے رسول_امیں سید_المتقیں تم_سا کوئی نہیں تم_سا کوئی نہیں

اے رسول امیں سید المتقیں تم سا کوئی نہیں تم سا کوئی نہیں

اے سراج مبیں لا مکاں کے مکیں تم سا کوئی نہیں تم سا کوئی نہیں

رب نے اپنا قلم دان تم کو دیا تم کو نبیوں میں افضل بنایا گیا

تم ہو رب کے قریں اے ازل کے حسیں تم سا کوئی نہیں تم سا کوئی نہیں

عرش و کرسی ستارے تمہارے لئے سارے قرآں کے پارے تمہارے لئے

سب تمہارے لئے آسماں یہ زمیں تم سا کوئی نہیں تم سا کوئی نہیں

تم ہو شمع شبستان عرش علا ہے خدا تم پہ جان اور دل سے فدا

آفریں آفریں آفریں آفریں تم سا کوئی نہیں تم سا کوئی نہیں

عرش اعظم پہ تم کو بلایا گیا خاص رتبہ سے تم کو نوازا گیا

تم ہو سدرہ نشیں احمد المرسلیں تم سا کوئی نہیں تم سا کوئی نہیں