نصاب_حق ہے یقیناً ترا نصاب معین

نصاب حق ہے یقیناً ترا نصاب معین

پڑھا ہے جس نے تجھے وہ ہے کامیاب معین

رگوں میں دل میں ہے تیرا ہی اضطراب معین

نظر نے دیکھے ہیں ترے حسین خواب معین

ورق ورق پہ ترے ہے ربوبیت رب کی

تو ہے کتاب ولایت کا ایک باب معین

خدا کے بعد وہ جس کا مقام عالی ہے

اسی کا ظرف اسی کا ہے انتخاب معین

ہے ربط خاص تجھے مصطفیٰ کے منبر سے

خطیب قادر مطلق کا تو خطاب معین

یہ تیری شان کہ منہاج مصطفیٰ تو ہے

مرا یہ ظرف کہ تو میرا انتخاب معین

کھلا ہے کس پہ جو ساغرؔ پہ کھل سکے گا تو

ترے حجاب کے اندر ہے اک حجاب معین