باد رحمت سنک سنک جائے
باد رحمت سنک سنک جائے
وادی جاں مہک مہک جائے
جب چھڑے بات نطق حضرت کی
غنچہ فن چٹک چٹک جائے
ماہ طیبہ کا جب خیال آئے
شب ہجراں چمک چمک جائے
جب سمائے نظر میں وہ پیکر
ذہن میرا دمک دمک جائے
فیض چشم حضور کیا کہنا
ساغر دل چھلک چھلک جائے
نام پاک ان کا ہو لبوں سے ادا
شہد گویا ٹپک ٹپک جائے
ارض دل سے اٹھے نوائے دزود
گونج اس کی فلک فلک جائے
رہنما گر نہ ہو وہ سیرت پاک
ہر مسافر بھٹک بھٹک جائے
چشم سرکار گر نہ ہو نگراں
نسل آدم بہک بہک جائے
کون وہ فرد ہے کہ جس کیلئے
دل فطرت دھرک دھرک جائے
مطلع کائنات پر تائبؔ
نور کس کا جھلک جھلک جائے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
