خدایا میں تجھ سے دعا مانگتا ہوں
خدایا میں تجھ سے دعا مانگتا ہوں
تو راضی ہو تیری رضا مانگتا ہوں
مرا خالی کاسہ بھی بھر دے الٰہی
میں صدقہ شہِ انبیا مانگتا ہوں
ترے بن بھلا کون فریاد رس ہے
میں دردوں کا مارا دوا مانگتا ہوں
میں جاؤں مدینے پلٹ کر نہ آؤں
درِ مصطفیٰ پر قضا مانگتا ہوں
زمانے کے ہر ایک رنج و الم میں
میں توفیقِ صبر و رضا مانگتا ہوں
گناہوں کی حدت نے جھلسا دیا ہے
مدینے کی ٹھنڈی ہوا مانگتا ہوں
جہاں ہر نفس کو میسر ہو راحت
وہ امن و سکوں کی فضا مانگتا ہوں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
