اے حسین ابنِ علی سب کچھ لٹایا آپ نے

اے حسین ابنِ علی سب کچھ لٹایا آپ نے

جان و مال و آل دے کر دیں بچایا آپ نے

منبر و محراب و مسجد میں تلاوت سب نے کی

برسرِ نوکِ سناں قرآں سنایا آپ نے

آسماں بھی رو پڑا تھا اکبر و قاسم کا جب

کربلا کی ریت سے لاشہ اٹھایا آپ نے

تین دن پیاسے رہے اور بر لبِ نہرِ فرات

تشنہ اصغر دے دیا پانی نہ مانگا آپ نے

کس طرح اے شاہِ دیں میدان میں جاتے ہوئے

عابد بیمار کو سینے لگایا آپ نے

لشکر شامی سے آکر وہ حسینی بن گیا

اپنے قدموں میں بلا کر حر بنایا آپ نے