یا حضرت خواجہ نظام الدین محبوب الہی شاہنشا

یا حضرت خواجہ نظام الدین محبوب الہی شاہنشا

ہوں بحرِ خودی کے طوفان میں کشتی کو میری اب پار لگا

ہمدم ہی نہیں غمخوار نہیں اس وقت میں کوئی یار نہیں

اب تیرے سوا اب تیرے سوا محبوب خدا، محبوب خدا

گو ہوں میں برا، گو ہوں میں برا، کب ہوں میں بھلا، کب ہوں میں بھلا

پر ہوں میں تیرا، پر ہوں میں تیرا، اس در سے میں جاؤں کون سی جا

انعام بھی ہو اکرم بھی ہو ملنے کا کبھی پیغام بھی ہو

ساقی ہو سبو ہو جام بھی ہو تا دل کو ملے آرام ذرا

ہاں در پہ تیرے میں آیا ہوں اے بدرِ شرافت مہرِ شرف

اب جاے کہاں، اب جاے کہاں، اس کے در سوا، اس کے در سوا

ہے نقل حضر سے یہ پیدا جب سے کہ ہوا پیدا یہ فلک

تم سا نہ کوئی پیدا ہی ہوا، تم سا نہ کوئی ہوگا پیدا

روضہ پہ تیرے جو آتا ہے وہ دل کی مرادیں پاتا ہے

محبوب الہ محبوب الہ دیدار تو اپنا مجھ کو دکھا

صدقہ سے فریدالحق دین کے حاصل ہوں مقاصد سب دل کے

بیچارہ حبیبؔ غمگین کے از بہر خدا از بہر خدا