مقدرے کہ ز آثار صنع کرد اظہار

مشیئتِ الٰہی سے جن صنعتوں اور آثار کا اظہار ہوا، اس میں آسمان چاند، سورج، ماہ و سال اور رات دن سبھی ہیں۔

امر کن فیکون سے ستاروں کی گردش کا مدار بنا اور اس آسمان کے گنبد پر یہ سب جڑ دیئے گیے ہیں۔

سات ستارے اور بارہ برج بنے جن کے اطراف ستارے گردش کرتے ہیں۔

نو آسمانوں پر اللہ کے حکم سے فرشتے، سجدہ و تسبیح اور ذکر و استغفار میں مشغول ہیں۔

آب و آتش خاک و باد ایک دوسرے سے الگ ان چاروں عناصر کا مدار آپ ہیں۔

آگ کا مقام خاک اور ہوا سے اوپر قرار پایا، پہاڑ اور زمین پانی پر قائم ہوئے۔

خالق جبار نے دنیا اوراس میں جو کچھ ہے، اس کی بنیاد نبی و علی سے دوستی پر رکھی۔

کاتبان قضا و قدر نے درِ فردوس پر یہ لکھ دیا کہ نبی کریم رسول ہیں اور ان کے جانشیں حیدر کرار ہیں۔

جن و انس کے امام حضرت علی ہیں کیوں کہ علی مخلوقاتِ عالم میں ہر چھوٹے بڑے سے برتر ہیں۔

آپ ہی کی ذات سے آسمان اور عرش و کرسی معلق ہیں، آپ ہی کی ذات سے زمین طبق در طبق ہے۔

حضرت علی امام ہیں، علی کی ہستی سراسر مبارک ہے، علی امین ہیں، علی امانت دار ہیں، علی حاکم ہیں، علی سردار ہیں۔

حضرت علی علیم ہیں، علی صاحب علم ہیں، علی سب سے زیادہ جاننے والے ہیں، علی صاحب حکمت ہیں، علی حاکم ہیں، علی سراپا نطق ہیں۔

حضرت علی نصیر ہیں، علی ناصر ہیں، علی منصور ہیں، علی فتح مند اور غالب ہیں، علی حکیم ہیں، علی سرداروں کے سردار ہیں۔

حضرت علی صاحب اقتدار ہیں، علی صاحب عزت ہیں، علی افضل ہیں، علی لطیف ہیں، علی انوار اور علی انوار ہیں۔

حضرت علی جملہ غزوات کے فاتح ہیں، علی ہی روح کی راحت ہیں، علی ہی فاضِل اور افضل ہیں علی حاکم و سردار ہیں۔

حضرت علی سلامتی ہیں، علی سلامتی یافتہ ہیں، علی جنت کے محلوں کو تقسیم کرنے والے اور علی قاسم نار ہیں۔

حضرت علی منزہ ہیں، علی پاک کرنے والے ہیں، علی صفائی قلب حاصل کیے ہوئے ہیں، علی ایفائے عہد کرنے والے ہیں، علی صفدر وصف شکن و سردار ہیں۔

حضرت علی نعمت ہیں، علی نعمت عطا کرنے والے ہیں علی نعمت یافتہ ہیں، علی اللہ کے شیر ہیں اور کافروں کے قاتل ہیں۔

اگر تو مؤمن پاک ہے تو یہ سمجھنے میں کوتاہی نہ کر کہ حضرت محمد کے بعد جو بھی ہیں ان سے بہتر علی ہیں۔

نورِ حضرت محمد اور حضرت آدم اور حضرت ابراہیم کی قسم سے، حضرت شیث و حضرت شعیب و حضرت ہود کی قسم سے۔

حضرت یوسف، حضرت یعقوب حضرت یحیٰ حضرت لقمان اور حضرت نوح کی قسم سے جنہوں نے دریائے طوفان سے نجات پائی۔

عزت توریت اور حرمت انجیل اور زبور و روز قیامت کی قسم سے۔

حضرت اسحاق کی دانش اور حضرت اسمٰعیل کی عشق کی قسم سے جو رضائے خدا وندی پر اپنی جانثار کرنے کے لیے تیار ہو گیے۔

حضرت یوشع و الیاس، لوط اور اسکندر نغمۂ داؤدی اور اُن کی خوش الحانی کی قسم سے۔

مہر حضرت سلیمان اور حضرت ابراہیم کے زہد، حضرت عیسیٰ اور حضرت موسیٰ و یونس کی قسم سے۔

قوتِ جبرئیل اور صورِ اسرافیل قابضِ ارواح یعنی عزرائیل اور کراماً کا تبین کی قسم سے۔

حاملان عرش اور قرب میکائیل اور اللہ کی چار مقدس کتابوں کی قسم سے۔

قران شریف اور صحیفۂ ابراہیم اور جملہ واقفِ اسرار نیک بندوں کی قسم سے۔

بے گناہ فقیروں کے سوزِ قید کی اور بے یار و مدد گار مظلوم کی آہ وزاری کی قسم سے۔

فقیر پریشان حال کے زرد چہرہ کی، اور خانماں بے زار اسیروں کے درد کی قسم سے۔

دین کے راستہ میں بمقابلۂ فکر ان بہادر سپاہیوں کی ضرب کی اور خستہ حال ضعیفوں کی آہ و زاری کی قسم سے۔

دینِ حضرت محمد کی قسم اور حسین کے خون پاک کی قسم اور نیک مہاجر و انصار کی قسم سے۔

حضرت رسول خدا کے بعد آپ ہی کے قول کے مطابق دین ہدیٰ کا علی کے سوا کوئی اور امام نہیں ہے۔

اور آپ کے بعد حضرت امام حسن اور امام حسین دین ہدیٰ کے امام ہیں، ان دونوں کی محبت سے کسی دیندار مومن کو غفلت نہیں کرنی چاہیے۔

تو جہل کی غفلت میں پھنسا ہوا ہے اور اس کے باوجود فضل الٰہی کا طالب ہے، تو اپنی غفلت کی وجہ سے زنگ اور رنگ میں امتیاز نہیں کر سکتا۔

خداوند تبارک وتعالیٰ کے احسان و کرم کا شکر ادا کرنا چاہیے کہ اس نے مجھے راہ نجات کی رہبری کی اور میں زندگی سے سعادت حاصِل کر سکا۔

سن سات سو ستر ہجری کا واقعہ ہے کہ شیراز میں یہ تمام اشعار ایک دن میں موزوں ہوئے۔

اے حافظ دشمنوں کی صحبت میں مست بیٹھ اور محبت (حضرت علی) پیدا کر، بارہ اماموں کے طفیل میں اپنی نجات طلب کر۔