زندہ ذوق خالد و ضرار افغانوں میں ہے

زندہ ذوق خالد و ضرار افغانوں میں ہے

جاہدو کا شور کعبے کے نگہبانوں میں ہے

آج پابند سلاسل ہے اسیر جور ہے

جو بھی کابل کے خدا بینوں خدا دانوں میں ہے

ذرہ ذرہ ہے شہیدوں کے لہو سے لالہ رنگ

گوشہ گوشہ منظر خونیں کہستانوں میں ہے

غازیان بدر و خندق کی ہے یہ بھی یادگار

جو تڑپ جو سوز شمع دیں کے پروانوں میں ہے

حضرت نور المشائخ کے مریدوں کو سلام

نام جن کا ولولہ انگیز افسانوں میں ہے

ناخداؤں کو ہے اپنے اپنے ساحل کی تلاش

اور ملت کا سفینہ ہے کہ طوفانوں میں ہے