کب مرا دل تھا بے حضور کب میری آنکھ تر نہ تھی

کب مرا دل تھا بے حضور کب میری آنکھ تر نہ تھی

بندہ نواز کی نظر کب مرے حال پر نہ تھی

جز در سیدالوریٰ میری کہیں نظر نہ تھی

یعنی مریض عشق کو حاجتِ چارہ گر نہ تھی

چھایا تھا وجد و حال سا اپنی بھی کچھ خبر نہ تھی

بارگہِ جمال میں فرصت یک نظر نہ تھی

ہوش و خرد کی انجمن عشق سے بہرہ ور نہ تھی

کوئی بھی دل حزیں نہ تھا کوئی بھی آنکھ تر نہ تھی

عقل فریب خوردہ کو اتنی بھی تو خبر نہ تھی

جس میں نہ تھا ترا جمال وہ تری رہ گذر نہ تھی

عشق حبیب کبریا سوئے مدینہ لے اڑا

شکر خدا مجھے نصیب قوت بال و پر نہ تھی

جب تیرے حسن سے نہ تھا عشق کا یہ معاملہ

میری وہ شام تھی نہ شام میری سحر سحر نہ تھی

پیشِ حضور درد دل کچھ بھی بیان نہ ہوسکا

در نہ مری حدیث غم اتنی بھی مخصر نہ تھی

منصب مدح مصطفیٰ صبحِ ازل مجھے ملا

میرے لیے تو کوئی شے نعت سے خوب تر نہ تھی