ادھر بھی کوئی ابر رحمت کا چھینٹا ادھر بھی نظر بے سہاروں کے والی

ادھر بھی کوئی ابر رحمت کا چھینٹا ادھر بھی نظر بے سہاروں کے والی

نگاہوں میں ہے تیری بخشش کا عالم کھڑے میں ترے در پہ تیرے سوالی

کبھی اک زمانے میں تھی وجہ نازش ترے نام لیواؤں کی شان عالی

مگر اب تو ہے عبرتوں کا فسانہ ہم اہل مصیبت کی آشفتہ حالی

ہمیں پھر عطا ہو جلالِ ابوذر میں پھر عنایت ہو شانِ بلالی

دیکھتے رہیں تیرے گند کے جلوے سلامت رہے کئے روضے کی جالی

بجا ہے کہ ہم تشنگانِ کرم کا عمل کی حقیقت سے دامن ہے خالی

مگر یہ شرف بھی کوئی کم نہیں ہے تری ذات سے ایک نسبت ہے عالی

جہاں سے ملی تھی بوصیری کو چادر جہاں کیف سامان تھی روح غزالی

وہاں لے کے آیا ہوں کلیوں کے گُجرے وہاں لے کے پہنچا ہوں پھولوں کی ڈالی

شب زندگی کی سحر کرنے والے خزف کو حریفِ گہر کرنے والے

عرب تیرے فیضان رحمت کا طالب عجم تیری چشم کرم کا سوالی