رحمتِ دو جہاں حامیِ بیکساں شاہِ کون و مکاں وہ کہاں میں کہاں

رحمتِ دو جہاں حامیِ بیکساں شاہِ کون و مکاں وہ کہاں میں کہاں

سرورِ سروراں رہبرِ رہبراں تاجدارِ شہاں وہ کہاں میں کہاں

ان کی خوشبو سے مہکے چمن در چمن تذکرے آپ کے انجمن انجمن

چاند کی چاندنی تاروں کی روشنی ان کے رخ سے عیاں وہ کہاں میں کہاں

کس طرح سے کہاں سے کروں ابتدا ان سے اوصاف کی ہے کہاں انتہا

ان کا رتبہ ہے کیا خود ہی جانے خدا کیا کروں میں بیاں وہ کہاں میں کہاں

وہ نہ ہوتے تو کچھ بھی نہ ہوتا یہاں ان کے ہونے سے ہے سب کا نام و نشاں

یہ زمیں آسماں یہ مکاں لامکاں سارے ان کے مکاں وہ کہاں میں کہاں

مہ لقا دلکشا خوش نوا خوش ادا رہنما پیشوا مجتبیٰ مصطفیٰ

جملہ بھوبیاں ان گنت خوبیاں میری قاصر زباں وہ کہاں میں کہاں

عمر گزرے میری ذکرِ سرکار میں جاؤں ان کے ظہوریؔ جو دربار میں

آخری سانس لوں نعت پڑھتا رہوں ختم ہوگی یہاں وہ کہاں میں کہاں