تم پہ بلہار یا معین الدین

تم پہ بلہار یا معین الدین

ہوں میں ہر بار یا معین الدین

میرے سردار یا معین الدین

سب کے مختار یا معین الدین

رہتا ہے زار یا معین الدین

تیرا غم خوار یا معین الدین

گر لکھوں تم کو شاہ ہندوستان

ہے سزاوار یا معین الدین

ہیں تمہارے سکندر و دارا

حکم بردار یا معین الدین

رشک جنت ہے رشک جنت ہے

تیرا گلزار یا معین الدین

صدمۂ ہجر میں سہوں کب تک

اب تو دیدار یامعین الدین

ڈگمگاتے بھنور میں ہے کشتی

کر دو تم پار یا معین الدین

تم میرے درد کی کرو دارد

دل ہے بیمار یا معین الدین

رات دن میں تیری ثنا لکھوں

ہو یہی کار یا معین الدین

خواب میں بھی نظر آ جائے

تیرا رخسار یا معین الدین

پھر بلا لیجے مجھے اجمیر

ہوں میں لاچار یا معین الدین

رہے پھولا پھلا معین الہند

مثل گلزار یا معین الدین

اس کا بانی رہے قیامت تک

تم ایثار یا معین الدین

کب تلک ہند میں پھرے در در

نصرتؔ زار یا معین الدین