تو ہی لا_شریک اور واحد_خدایا

تو ہی لا شریک اور واحد خدایا

تری ذات ہر شے سے بے شک بری ہے

تو خالق ہے سالک ہے ہر جز و کل کا

یہ جو کچھ ہے سب تری کاری گری ہے

کرے غور لازم ہے انسان خاکی

اسی کی ہر اک شے میں جلوہ‌ گری ہے

تیرے ہجر کی آگ نے گو جلایا

مگر شاخ امید مری ہری ہے

مدد میری کی تو نے سب مشکلوں میں

یہ بندہ نوازی کرم گستری ہے

دیا خاک کو تو نے رتبہ جو عالی

تیری شان اقدس کی یہ برتری ہے

شمار اس کا ہے تیرے بندوں میں احقرؔ

یہ تو بس تمہاری کرم گستری ہے