کس سے بیاں ہو حال شہیدانِ کربلا

کس سے بیاں ہو حال شہیدانِ کربلا

پُرغم ہے داستانِ اسیرانِ کربلا

واعظ نہ پوچھ مجھ سے ہے کیا شانِ کربلا

خلد بریں ہے روضۂ سلطانِ کربلا

منظور تھا خدا کو یہی ورنہ ہم نشیں

بھوکے پیاسے جان دیں مہمانِ کربلا

نامِ خدا وہ ہمت وصبرو رضا قرار

بس تھا یہی تو ساتھ میں سامانِ کربلا

اتنی سی بات ہے اسے زاہد سمجھ لے تو

کعبہ ہے عاشقوں کا بیابانِ کربلا

حق کی خوشی کے واسطے میدانِ جنگ میں

پیاسے شہید ہوگئے مردانِ کربلا

ارض وسما میں زلزلہ جامیؔ ہوا بپا

جس دم لٹا ہے خیمۂ سلطانِ کربلا