کھلا آج درِ فیض گنج شکر ہے

کھلا آج درِ فیض گنج شکر ہے

یہ گلزار جنت بنا میرا گھر ہے

کراماتِ خواجہ محمد حسین ہے

عیاں سرّ توحید بس سربسر ہے

کھلی صورت حسن تنویر دل پر

یہ اذکار نوری کا پورا اثر ہے

جو دیکھا تجھے آئینہ دل میں اپنے

رخِ پُرضیا تیرا مدِ نظر ہے

اے اختیار صاحب میں بندہ ہوں تیرا

نہ پرواہ کچھ اور نہ خوف و خطر ہے

گدا ہوں جو چاہو تو سلطاں بنا دو

کلامِ دعا میرا بس مختصر ہے

رفیعؔ بے نوا خستہ پر اک نظر ہو

یہ خدام اکرام کا منتظر ہے