ham ne vasf-e-gauhar-e-irfaa.n ko jab likhnaa kiyaa

ham ne vasf-e-gauhar-e-irfaa.n ko jab likhnaa kiyaa

mauj se mustar kashiida saf.ha-e-dariyaa kiyaa

ho gayaa ahmad hii apnii miim-e-maz.har se ahad

is me.n kuchh pardaa nahii.n hai naam kaa pardaa kiyaa

ain-e-ilm-e-haq nazar aayaa use ain-e-alii

suurat-e-aa.iina jis ne chashm-e-dil ko vaa kiyaa

dast-e-qudrat hai mirii nazro.n me.n zaat-e-panjtan

be-sabab allaah ne in ko nahii.n yakjaa kiyaa

shash-jihat kii kis se ho raunaq ba-juz baarah imaam

aap haq ne sab ko maalik diin-o-duniyaa kaa kiyaa

sham.a-e-aivaan-e-KHudaa hai.n chaar-dah ma.asuum-e-paak

jin se un chaudah tabaq ko raushan aur ujlaa kiyaa

zaahidaa un me.n na kyuu.n ho jalva-e-nuur-e-KHudaa

KHud-numaa.ii ke liye us ne unhe.n paidaa kiyaa

siina-kuubii dil-KHaraashii girya-o-aah-o-fuGaa.n

ham ne ishq-e-panjtan me.n dekhnaa kyaa kyaa kiyaa

chaar yaar-e-baa-safaa haq kii kitaabe.n chaar hai.n

aap jin ko munshii-e-taqdiir ne inshaa kiyaa

ya.anii buu-bakar-o-umar usmaan-o-haidar bil-yaqii.n

jin ko chaar arkaan-e-diin-e-paak hai maulaa kiyaa

suurat-e-arba.a-anaasir thaa baham chaaro.n me.n rabt

rub-e-maskuu.n me.n unho.nne diin ko ehyaa kiyaa

panj a.ngusht-e-yadullaah hai.n janaab-e-panjtan

vasf un kaa kaatib-e-qudrat ne jo imlaa kiyaa

safha-e-qirtaas nuur-afshaa.n yad-e-baizaa banaa

yak-qalam KHaame ko a.ngusht-e-yad-e-baizaa kiyaa

zeb-e-diivaa.n kyuu.n na ho har bait is kii ai 'nasiir'

is Gazal ko shaan-e-ahl-e-bait me.n inshaa kiyaa

ham ne vasf-e-gauhar-e-irfaa.n ko jab likhnaa kiyaa

mauj se mustar kashiida saf.ha-e-dariyaa kiyaa

ho gayaa ahmad hii apnii miim-e-maz.har se ahad

is me.n kuchh pardaa nahii.n hai naam kaa pardaa kiyaa

ain-e-ilm-e-haq nazar aayaa use ain-e-alii

suurat-e-aa.iina jis ne chashm-e-dil ko vaa kiyaa

dast-e-qudrat hai mirii nazro.n me.n zaat-e-panjtan

be-sabab allaah ne in ko nahii.n yakjaa kiyaa

shash-jihat kii kis se ho raunaq ba-juz baarah imaam

aap haq ne sab ko maalik diin-o-duniyaa kaa kiyaa

sham.a-e-aivaan-e-KHudaa hai.n chaar-dah ma.asuum-e-paak

jin se un chaudah tabaq ko raushan aur ujlaa kiyaa

zaahidaa un me.n na kyuu.n ho jalva-e-nuur-e-KHudaa

KHud-numaa.ii ke liye us ne unhe.n paidaa kiyaa

siina-kuubii dil-KHaraashii girya-o-aah-o-fuGaa.n

ham ne ishq-e-panjtan me.n dekhnaa kyaa kyaa kiyaa

chaar yaar-e-baa-safaa haq kii kitaabe.n chaar hai.n

aap jin ko munshii-e-taqdiir ne inshaa kiyaa

ya.anii buu-bakar-o-umar usmaan-o-haidar bil-yaqii.n

jin ko chaar arkaan-e-diin-e-paak hai maulaa kiyaa

suurat-e-arba.a-anaasir thaa baham chaaro.n me.n rabt

rub-e-maskuu.n me.n unho.nne diin ko ehyaa kiyaa

panj a.ngusht-e-yadullaah hai.n janaab-e-panjtan

vasf un kaa kaatib-e-qudrat ne jo imlaa kiyaa

safha-e-qirtaas nuur-afshaa.n yad-e-baizaa banaa

yak-qalam KHaame ko a.ngusht-e-yad-e-baizaa kiyaa

zeb-e-diivaa.n kyuu.n na ho har bait is kii ai 'nasiir'

is Gazal ko shaan-e-ahl-e-bait me.n inshaa kiyaa