جب ہو نصیب آپ کا دربار دیکھنا
جب ہو نصیب آپ کا دربار دیکھنا
تعبیرِ خواب طالعِ بیدار دیکھنا
موتی نبی کے عشق کے دل کے صدف میں رکھ
چِھن جاوے یہ نہ دولتِ بیدار دیکھنا
جب روح پر حبیبِ خدا کا ہو التفات
اپنے چراغِ دل کو ضیا بار دیکھنا
سوچوں کی انجمن میں جب آئیں میرے حضور
سر کو جھکا کے جلوۂ سرکار دیکھنا
سرکارِ کائنات بلائیں گے جب کبھی
ہو جائیں گے سفر کے بھی آثار دیکھنا
گزرے جو والہانہ مدینے کی راہ سے
حق کی بہارِ دین کا گلزار دیکھنا
اے دل وہ بارگاہِ رسالتِ مآب ہے
ٹوٹے وہاں نہ ضبط کا پندار دیکھنا
جس دم نظر میں گنبدِ خضریٰ کا ہو جمال
حق کی تجلیات کی بوچھاڑ دیکھنا
اس کار زارِ دہر میں اپنے حمیدؔ کو
اے رحمتِ تمام بہر کار دیکھنا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
