بھلا سکتا نہیں میں آپ کا احسان یا خواجہ
دلچسپ معلومات
منقبت درشان غریب نواز خواجہ معین الدین چشتی (اجمیر۔راجستھان)
بھلا سکتا نہیں میں آپ کا احسان یا خواجہ
ہوا ہے آپ سے روشن یہ ہندوستان یا خواجہ
نظر آجائے مجھ کو خواب ہی میں آپ کا جلوہ
یہی میری تمنا ہے، یہی ارمان یا خواجہ
در اقدس سے جب مشکل کشائی سب کی ہوتی ہے
ہماری مشکلیں کر دیجئے آسان یا خواجہ
ہمارے لب پہ ہر دم آپ ہی کا نام نامی ہے
ہمارا جان و دل ہے آپ پر قربان یا خواجہ
بھلا کیوں کر نہ مجھ کو ناز ہو اپنے مقدر پر
مرے دل میں نظر میں آپ ہیں مہمان یا خواجہ
سنا جاتا نہیں دنیا کا مجھ سے طعنِ ناداری
خدا را غیب سے ہوجائے کچھ سامان یا خواجہ
شہنشاہی سے بڑھ کر آپ کے در کی گدائی ہے
کسی کا ہو نہ ہو میرا ہے یہ ایمان یا خواجہ
کرم کیجئے کہ اس مجبور کی دنیا بدل جائے
اک عرصے سے حمیدؔ زار ہے حیران یا خواجہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
